फन पार्कले तिर्‍यो पाँच वर्षकाे मनोरन्जन कर

भाद्र १६ बिहिबार, काठमाण्डाै। भृकुटीमण्डप स्थित फनपार्कले पाँच वर्षकाे मनोरन्जन कर तिरेको छ। महानगरको राजस्व विभागका प्रमुख शिवराज अधिकारीका अनुसार भृकुटीमण्डप स्थित फनपार्कले १७ लाख ३६ हजार रुपैयाँ मनोरन्जन कर महानगरको राजस्व विभागलाई बुझाएकाे छ । उक्त मनोरञ्जन कर पाँच वर्षको हो। काठमाण्डाै महानगरपालिकाले सबै कर चुक्ता गर्न फनपार्कलाई २४ घन्टे अल्टिमेटम दिए थियाे । पटक-पटक आग्रह गर्दा पनि वर्षौंदेखि महानगरलाई बुझाउनु पर्ने व्यवसाय कर, बहाल कर, विज्ञापन कर तथा मनोरञ्जन कर नतिरेपछि महानगरले‍ २४ घन्टे अल्टिमेटम दिएको थियो।

समाज कल्याण परिषदले फनपार्कलाई ६० रोपनी जग्गा भाडामा दिएको छ। जसले गर्दा परिषदले भाडाको दस प्रतिशत कर महानगरलाई बुझाउनुपर्ने हुन्छ। फनपार्कले मनोरन्जन कर बुझाएपनि अन्य करहरु तिर्न बाँकी नै रहेकाे विभागका प्रमुख अधिकारीले जानकारी दिएकाछन्।