पर्यवेक्षकलाई निर्वाचन आचारसंहिताको पालना गर्न आग्रह- प्रमुख आयुक्त दिनेशकुमार थपलिया

असाेज २६बुधबार, काठमाण्डाै । निर्वाचन आयोगका प्रमुख आयुक्त दिनेशकुमार थपलियाले निर्वाचनमा परिचालित हुने पर्यवेक्षकलाई निर्वाचन आचारसंहिता २०७९ को पालना गरि सहयाेग गर्न आग्रह गर्नुभयाे । मङ्सिर ४ गते हुने निर्वाचनकाे लागि आयोजित प्रशिक्षक प्रशिक्षण कार्यक्रममा प्रमुख आयुक्त थपलियाले विगतकाे निर्वाचनहरूमा केही पर्यवेक्षकहरू दल र उम्मेदवारका रूपमा प्रस्तुत भएको पाइएकाले त्यस्तो नगर्न आग्रह गर्नुभएको हो । साथै उहाँले पर्यवेक्षक निर्वाचन प्रक्रियाका लागि एक अभिन्न अङ्ग रहेकाले निर्वाचन आचारसंहिता, २०७९ को पालना गरेर पर्यवेक्षकले आफ्नो दायित्व निर्वाह गरी आयोगलाई निर्वाचन व्यवस्थानमा सघाउन आग्रह गर्नुभएकाे थियाे । कार्यक्रममा प्रवक्ता शालिग्राम पौडेलले पनि पर्यवेक्षक संस्थाले निर्वाचन आचारसंहितामा ध्यान दिएर आफ्ना पर्यवेक्षकलाई प्रशिक्षित गर्न आग्रह गर्नुभएकाे थियाे । प्रशिक्षणमा निर्वाचनकाे लागि पर्यवेक्षण गर्न अनुमति पाएका ४३ संस्थाका प्रतिनिधिहरू सहभागी थिए ।