साफ यु–१९ च्याम्पियनसिपमा नेपाल र भारत एकै समूहमा

फाल्गुण २७ मंगलबार, काठमाण्डाै । साफ यु–१९ च्याम्पियनसिप फुटबल प्रतियोगितामा नेपाल र भारत एकै समूहमा परेका छन् । काठमाण्डौको सोल्टी होटलमा आयोजित एक कार्यक्रममा सार्वजनिक गरिएको ‘ड्र’ मा नेपाल र भारत समूह ‘बी’ मा परेको हो । नेपालको समूहमा भारतसँगै श्रीलङ्का पनि रहेकाे छ ।

समूह ‘ए’ मा भने साविक विजेता बङ्गलादेश, माल्दिभ्स र भुटान छन् । यस प्रतियोगितामा पाकिस्तान सहभागी हुने छैन ।

भारतको उत्तराञ्चल प्रदेशमा हुने उक्त प्रतियोगितामा कुल छ देश सहभागी हुने छन् । उक्त खेल अगामी मे ९ देखि १८ तारिख सम्म हुनेछ ।