आँबुखैरेनी दुर्घटनाकाे मृतकहरुका शव भारत पठाइयाे

भाद्र ८ शनिबार, काठमाण्डाै। तनहुँको आँबुखैरेनीमा भएको बस दुर्घटनामा मृत्यु भएका २७ जनाको शव भारत पठाइएको छ।

चितवनका प्रमुख जिल्ला अधिकारी इन्द्रदेव यादवका अनुसार शनिबार भारतबाट भरतपुर आएकाे भारतीय सेनाकाे विमानमा २५ जनाकाे शव र सडकमार्गबाट दुई जनाको शव गोरखपुर पठाइएको बताउनुभयाे । दुर्घटनामा मृत्यु भएका २७ जनाको शव भरतपुर अस्पतालमा पोष्टमार्टम गरेकाे थियाे ।

दुर्घटनामा घाइते भएका १६ जनालाई शुक्रबार नै हेलिकप्टर मार्फत काठमाण्डौ ल्याइएको थियो । उनीहरुको त्रिभुवन शिक्षण अस्पतालमा उपचार भइरहेको छ । प्रहरीले जनाएको अनुसार मृतक र घाइते सबै भारतको महाराष्ट्र प्रदेश जलगाउँ जिल्लाका हुन् ।