मुलुकमा हैजा सङ्क्रमितको सङ्ख्या बढ्दै

श्रावण १९ शनिबार, काठमाण्डाै । मुलुकमा हैजा सङ्क्रमितको सङ्ख्या दिनानुदिन बढ्दै गएकाे छ । स्वास्थ्य सेवा विभाग अन्तर्गतको इपिडिमियोलोजी तथा रोग नियन्त्रण महाशाखा (इडिसिडी) ले सार्वजनिक गरेको पछिल्लो बुलेटिन अनुसार हाल मुलुकभर सङ्क्रमितको सङ्ख्या २५ पुगेको छ। हैजा पछिल्लो २४ घण्टामा मात्र नै दुई जनामा सङ्क्रमण पुष्टि भएको छ ।

इडिसिडीले जनाए अनुसार अहिलेसम्म ललितपुरको गोदावरी नगरपालिकामा १६, काठमाडौँको टोखा नगरपालिकामा आठ र कैलालीको धनगढी उप महानगरपालिकामा एकजनामा हैजा सङ्क्रमण देखिएको छ । 

विज्ञका अनुसार हैजा ‘भित्रियो कोलेरी’ प्रजातिको जीवाणुबाट मानिसमा लाग्ने अति सङ्क्रामक झाडापखाला सम्बन्धी रोग हो । हैजा लगायत अन्य पानीजन्य रोगहरूबाट बच्न सरसफाइमा ध्यान दिन र पानी उमालेर मात्र पिउन स्वास्थ्य क्षेत्रका विज्ञले सुझाव दिएका छन् ।