कीर्तिपुरमा सुविधासम्पन्न खेलमैदान बनाउने-प्रधानमन्त्री केपी शर्मा ओली

असार ३१ साेमबार, काठमाण्डाै । प्रधानमन्त्री केपी शर्मा ओलीले कीर्तिपुरमा सुविधासम्पन्न खेलमैदान बनाउने भनि निर्णय गरेका छन् । प्रधानमन्त्री ओलीको अध्यक्षतामा साेमबार बसेकाे मन्त्रिपरिषद्को पहिलो बैठकले कीर्तिपुरमा सुविधा सम्पन्न खेल मैदान बनाउने निर्णय गरेको हाे ।

सोमबार राष्ट्रपति रामचन्द्र पौडेलबाट सपथग्रहण गरेपछि प्रधानमन्त्री कार्यालय पुगेका उनले ३ सय दिनभित्र उक्त रंगशालामा दर्शक बस्न मिल्ने प्याराफिट, रात्रीकालीन खेलका लागि फ्लडलाईट जडान गर्ने लगायत आवश्यक संचरना बनाउने निर्णय गरेको प्रधानमन्त्री ओलीको सचिवालयले जनाएको छ ।

हाल त्रिभुवन विश्वविद्यालयको स्वामित्वमा रहेको उक्त रंगशाला क्रिकेट एसोशिसएन अफ नेपाल (क्यान) ले सम्झौता गरेर सञ्चालन गर्दै आएको छ ।