हवाई यातायात सञ्चालन सम्बन्धी सुरक्षा मापदण्डको संशोधनमा परेकाे रिटमा सर्वोच्चले माग्याे लिखित जवाफ

माघ २५ बुधबार, काठमाण्डाै । सर्वोच्च अदालतले हवाई यातायात सञ्चालन सम्बन्धी सुरक्षा मापदण्डको संशोधनमा परेकाे रिटमा लिखित जवाफ मगाउने आदेश गरेको छ । न्यायाधीश प्रकाशमानसिंह राउतको एकल इजलासले उक्त विषयमा सरकारसँग लिखित जवाफ माग गर्दै अग्राधिकार प्रदान गरेको छ ।

वरिष्ठ अधिवक्ता डा दिनेश त्रिपाठीले दायर गर्नुभएको रिट निवेदनमा हवाई यातायात सञ्चालनसम्बन्धी विद्यमान कानुन, नीति एवं हवाई सुरक्षा मापदण्डको संशोधन एवं परिमार्ज गर्न माग गरिएको छ । रिट निवेदनमा अहिलेको हवाई यातायात सुरक्षासम्बन्धी व्यवस्थाले हवाई यातायातको क्षेत्र सुरक्षित नभएको हुँदा उक्त मापदण्ड संशोधन र परिमार्जन गर्नुपर्ने आवश्यकता भएको जिकिर गरिएको छ ।

विशेषज्ञ सम्मिलित उच्चस्तरीय समिति गठन गरी विद्ययमान कानुन, नियमका साथै सुरक्षा मापदण्डको पुनरावलोकन गर्न गर्नुपर्ने र अन्तर्राष्ट्रिय नागरिक उड्डयन सङ्गठनको मापदण्ड पालना भए नभएको अनुगमनका लागि स्थायी संयन्त्र निर्माण गर्नसमेट रिट निवेदनमा माग गरिएको छ । साथै हवाई दुर्घटनाको जाँचका लागि स्थायी संयन्त्र निर्माण गर्न माग गरिएको छ ।