रिचार्लिसनकाे उत्कृष्ट प्रदर्शनले ब्राजिल विजयी

मसिंर ९ शुक्रबार, काठमाण्डाै । कतारमा आयाेजना भएकाे फिफा विश्वकप फुटबल २०२२ अन्तर्गत समूह जी मा रहेको ब्राजिलका रिचार्लिसनले उत्कृष्ट खेल प्रदर्शन गरेपछि ब्राजिलले विजयी अभियान सुरुआत गरेको छ । ब्राजिलले सर्बियालाई २–० गोलकाे अन्तरले पराजित गर्यो । रिचार्लिसनले ब्राजिलका लागि दुवै गोल गरेका थिए ।  

पहिलो हाफमा दुवै टोलीले गोल गर्न सकेन । दोस्रो हाफमा खेलको ६३औँ मिनेटमा र ७३औँ मिनेटमा ब्राजिलका रिचार्लिसनले एक/एक गोल गर्दै ब्राजिललाई जित दिलाए । समूह ‘जी’ मा रहेको ब्राजिलले जीतसागै तीन अङ्क जोडेको छ । ब्राजिल आफ्नो समूहको शीर्ष स्थानमा उक्लिएको छ ।