सूर्यदेवको पूजा गरी छठ मनाइँदै

कार्तिक १३ आइतबार, काठमाण्डाै । हरेक वर्षझै यस वर्ष पनि कार्तिक शुक्ल चतुर्थी देखि सप्तमीसम्म सूर्यदेवको पूजा, आराधना गरि छठ मनाइँदैछ । यस पर्व शुक्रबार देखि सुरु भएको थियाे । यस पर्वकाे प्रथम दिन कार्तिक शुक्ल चतुर्थीका दिन ब्रतालुहरुले स्नान गरी एक छाक खाएर बस्ने गर्छ । यसकाे दोस्रो दिन कार्तिक शुक्ल पञ्चमीमा षष्ठी मातालाई खरना (सखर हालेर बनाइएको खीर) चढाई प्रसाद स्वरुप ब्रत बस्नेले एक छाक खान्छन् । त्यसपछि कार्तिक शुक्ल षष्ठीका दिन कठोर निराहार व्रत गरी बेलुकी अस्ताउँदो सूर्यलाई पूजा आराधना गरी अर्घ्य दिने गरिन्छ र रातभर जागा बसी कार्तिक शुक्ल सप्तमीका दिन बिहान उदाएकाे सूर्यलाई पूजा आराधना गरी विधिपूर्वक अर्घ्य दिई समापन गरिन्छ ।

छठ पर्व पहिले तराईकाे सिमित क्षेत्रमा मात्र मनाइन्थ्याे भने हाल याे देशकाे बिभिन्न क्षेत्रमा भब्यताका साथ मनाइन्छ । छठपर्वका लागि भनेर राजधानीको गुह्येश्वरीबाट गौरीघाट क्षेत्र, गहनापोखरी, नागरपोखरी, कमलपोखरीलगायत वाग्मती, नख्खु र विष्णुमतीलगायत नदी किनारमा सजावट गरिएको छ । यस दिन सरकारले सार्वजनिक बिदाकाे घाेषणा पनि गरेकाे छ ।