हक्की खेलमा महिला तर्फ गण्डकी प्रदेश विजयी तर पुरुषमा हार

असाेज २७ बिहिबार, काठमाण्डाै । नवौं राष्ट्रिय खेलकुदकाे महिला हक्की प्रतियोगितामा गण्डकी प्रदेश विजयी भएकाे छ । पोखरामा बिहीबार देखि सुरु भएको उद्घाटन खेलमा गण्डकी प्रदेशले प्रदेश १ लाई ७– ० काे अन्तरले पराजित गरेको छ । गण्डकीकाे तर्फबाट सोनु बरालले १३ औँ मिनेटमा खाता खोलेकाे थियाे । खेलमा सोनु बराल दुई गाेल, सबिना पुन रानाले एक गाेल,कमला पुनले तिन गोल,दीपशिखा पौडेलले एक गोल गरेकाे थियाे ।प्रतियोगिता ७ टिम सहभागी रहेको छ ।

त्यस्तै पुरुष हक्की तर्फको उद्घाटन खेलमा नेपाल आर्मीले गण्डकी प्रदेशलाई ४– ० काे अन्तरले पराजित गरेको छ । खेलको नवौं मिनेटमा आर्मीका लागि राजेन्द्र कार्कीले गोल गर्दै अग्रता दिलाए । खेलमा राजेन्द्र कार्कीले दुई गाेल, प्रदीप राजवंशीले एक गोल र रोमन रानाले एक गोल गरेका थिए ।