नयाँ ब्रोकर लाइसेन्सका लागि आवेदन दिने समय अव केही दिन मात्र बाँकी

असाेज २६ बुधबार, काठमाण्डाै । नयाँ ब्रोकर लाइसेन्सका लागि आवेदन दिने समय अव केही दिन मात्र बाँकी रहेकाे नेपाल धितोपत्र बोर्डले जनाएकाे छ । नेपाल धितोपत्र बोर्डले नयाँ स्टक एक्सचेञ्ज, ब्रोकर कम्पनी र वस्तु विनिमय बजार सञ्चालन गर्न नयाँ लाइसेन्स दिन सूचना जारी असोज २ गते आवेदन खुला गरेको थियो । बोर्डले धितोपत्र व्यवसायी नियमावली २०६४ पाँचौँ पटक संशोधन गरि नयाँ ब्रोकरको लागि लाइसेन्स खुला गरेको हाे । नयाँ स्टक ब्रोकर लाइसेन्स लिने अन्तिम म्याद असोज ३१ गते रहेकाेले साे समय भित्र नै निवेदन दिइसक्नु पर्नेछ । तर स्टक एक्सचेञ्ज र वस्तु विनिमय बजार सञ्चालनका लागि आगामी कात्तिक १५ गतेसम्म आवेदन दिन सकिनेछ । नेपाल धितोपत्र बोर्डले नयाँ स्टक ब्रोकरको न्यूनतम चुक्ता पुँजी कामको प्रकृति हेरेर २० करोडदेखि १५० करोड रुपैयाँसम्म तोकेको छ । बोर्डका अनुसार सामान्य शेयर कारोबार गर्ने स्टक ब्रोकर कम्पनी खोल्न २० करोड रुपैयाँ चाहिने भएको छ त्यस्तै मार्जिन लेन्डिङ, एडभाइजरी सेवा समेत दिने ब्रोकर कम्पनी खोल्न ६० करोड रुपैयाँ र आफ्नै नाममा शेयर खरिद बिक्री गर्न मिल्ने एवम् स्टक डिलरको समेत कार्य गर्न सक्ने गरी ब्रोकर कम्पनी खोल्न भने १ अर्ब ५० करोड रुपैयाँ चुक्ता पुँजी चाहिने व्यवस्था गरेको छ ।