वाङ्मय शताब्दी पुरूष सत्यमोहन जोशीको स्वास्थ्य अवस्थामा सुधार

असाेज २५ मंगलबार, काठमाण्डाै । संस्कृतिविद् एवम् शताब्दी वाङ्मय पुरुष सत्यमोहन जोशीकाे स्वास्थ्य अवस्थामा हाल केही सुधार भएकाे छ । उनलाई ललितपुरकाे ग्वार्को स्थित किस्ट मेडिकल कलेज तथा शिक्षण अस्पतालमा उपचारकाे लागि असोज ७ गते भर्ना गरिएकाे थियाे । हाल जोशी अस्पतालमा उपचाररत छन्। अस्पतालका निर्देशक प्रा.डा.सुरज बज्राचार्यले मुटुको समस्याबाट ग्रसित रहेका जोशीको हाल स्वास्थ्य अवस्थामा सुधार देखिएकाे विज्ञप्ति मार्फत जानकारी दिएका छन्। अस्पतालले मंगलबार दिउँसो २ बजे उनको स्वास्थ्य बुलेटिन जारी गरेको हो। जारी स्वास्थ्य बुलेटिनमा जोशीकाे छातीमा निमोनिया संक्रमण नियन्त्रण गर्न दिइएको एन्टिबायोटिक्स कोर्स जारी रहेको र उनको मुटुको चाल सम्बन्धी समस्यामा पनि केही सुधार देखेको बताइएकाे छ।