युक्रेनका ४ भू–भागहरू रूसमा औपचारिक रुपमा गाभिने

असाेज १३ बिहीबार, काठमाण्डाै । युक्रेनका ४ भू–भागहरुलाई रूसमा औपचारिक रुपमा गाभ्ने भएको छ राष्ट्रपति भ्लादिमिर पुटिनले युक्रेनी भू–भागहरु रुसमा गाभ्ने सम्बन्धी अध्यादेशमा शुक्रबार हस्ताक्षर गर्ने अन्तर्राष्ट्रिय सञ्चार माध्यमहरुले उल्लेख गरेका छन् । रूसले कब्जा गरेका ४ युक्रेनी क्षेत्रहरुः लुहान्स्क, दोनेत्स्क, खेरसन र जापरोजिया रहेका छन् ।ती भु-भागहरू रुसमा गाभ्ने सम्बन्धमा गत शुक्रबार देखि मंगलबारसम्म जनमत संग्रह गरिएको थियो । जनमत संग्रहमा ठूलो बहुमतले रुसमा गाभिनका लागि मत दिएको रुसले जनाएको छ । युक्रेन र अन्य पश्चिमा राष्ट्रहरुले भने जनमत संग्रहको विरोध गर्दै आएका थिए । रुसले औपचारिक रुपमा युक्रेनी भू–भाग गाभ्ने भएपछि पश्चिमा राष्ट्रहरुले रुसमाथि थप प्रतिबन्धहरु लगाउने घोषणा गरेका छन् ।