अभियान लघुवित्तको आईपीओमा झन्दै २४ गुणा बढी आवेदन

श्रावण २२ आईतबार, काठमाण्डाै । सीडीएस एन्ड क्लियरिङ लिमिटेडका अनुसार अभियान लघुवित्तको आईपीओमा झन्दै २४ गुणा बढी आवेदन परकाे छ । कम्पनीको आईपीओमा २३.७१ गुणा बढी आवेदन परेको हो । आइतबार साँझ ५ बजेसम्म २० लाख ४३ हजार २० जनाले दुई अर्ब ३१ करोड १६ लाख १९ हजार रुपैयाँ बराबरको दुई करोड ३१ लाख १६ हजार १९० कित्ता आईपीओका लागि आवेदन दिएका छन् । कम्पनीले श्रावण १८ गतेदेखि ९ लाख ७५ हजार कित्ता सर्वसाधारणका लागि निष्कासन गरेको थियो । यसकाे बिक्री प्रबन्धकमा मुक्तिनाथ क्यापिटल रहेको छ ।