सर्वोच्च अदालतमा शुक्रबार पूरा समय सेवा

श्रावण १९ बिहिबार,काठमाण्डाै । सर्वोच्च अदालतले मुद्दा न्यूनीकरणसम्बन्धी कार्ययोजना–२०७९ लाई कार्यान्वयन गर्ने उद्देश्यले शुक्रबार पूरा समय सेवा प्रवाह गर्ने भएको छ । यही साउन २० गते शुक्रबारदेखि लागू हुने गरी सेवा प्रवाह गर्ने निर्णय गरेको थियो । अदालतमा २०७९ सालको वैशाख ३० सम्म आइपुग्दा पाँच वर्ष नाघेका मुद्दा चार हजार आठ सय १९ थान छन् । सर्वोच्च अदालतका प्रवक्ता विमल पौडेलले दुई वर्ष नाघेका मुद्दा १७ हजार ६१२ थान रहेको जानकारी दिए । अदालतले पुराना बक्यौता मुद्दा न्यूनीकरणसम्बन्धी कार्ययोजना सञ्चालनमा ल्याएपछि शीघ्र मुद्दा फर्छ्याेट हुने विश्वास लिएकाे बताए ।