विश्वभरि कोरोनाबाट मृत्यु हुनेको संख्या ८ लाख ८ हजार नाघ्याे

भाद्र ७, काठमाण्डाै । वर्ल्डोमिटर्सको तथ्यांक अनुसार आइतबार बिहानसम्म विश्वभरमा कोरोनाबाट मृत्यु हुनेको संख्या ८ लाख ८ हजार ६ सय ९७ पुगेको छ भने संक्रमितको संख्या २ करोड ३३ लाख ८० हजार ५ सय ६९ पुगेको छ । विश्वभरमा कोरोनाबाट संक्रमण भएका १ करोड ५९ लाख ६ हजार ४ सय ७९ जना उपचारपछि निको भएका छन् ।

विश्वव्यापी रुपमा फैलिएको कोरोना भाइरसका कारण विश्वभरमा मृत्यु हुने र संक्रमितको संख्या बढ्दै गइरहेको छ । कोरोनाको संक्रमणबाट अमेरिका, ब्राजिल, भारत, रसिया लगायतका ठुला देशहरु बढी प्रभावित भएका छन् ।