आइसिसी विश्वकप क्रिकेट लिग दुईमा अमेरिकाद्बारा ओमानलाई २१४ रनको लक्ष्य

माघ २३, बिहीबार, काठमाण्डाै । आजको आइसिसी विश्वकप क्रिकेट लिग दुईअन्तर्गत खेलमा अमेरिकाले ओमानलाई २१४ रनको लक्ष्य दिएको छ । उक्त खेल कीर्तिपुरस्थित त्रिवि क्रिकेट मैदानमा भएकाे थियाे ।ओमानले टस जितेर अमेरिकालाई पहिले ब्याटिङ गर्न दिएको थियो । अमेरिका ब्याटिङ गर्ने क्रममा निर्धारित ५० ओभरको खेलमा सबै विकेट गुमाउँदै २१३ रनमा समेटियो । अमेरिकाका लागि इयान हल्यान्डले ६५ रन बनाएकाे थियो । यसमा सात चौका सामेल छ । अक्षय होमराजले ३३ रन बनायो । उनले दुई छक्का र तीन चौका हानेकाे थियाे। यस्तै मोनाङ्क पटेलले १९, तिमिल पटेलले १६, कप्तान सौरभ नेत्रवाल्करले अविजित १४, जेभियर मार्सलले १३, आरोन जोन्सले १२ तथा रुस्टी थेरनले १० रनको योगदान दिएका छन् । बलिङतर्फ ओमानका लागि मोहमद नदिमले तीन, विलाल खान, जेसन मक्सुद र अकिव लियासले दुई।दुई तथा कलिमउल्लाहले एक विकेट लियो । अहिले अमोन अमेरिकाविरुद्ध ब्याटिङ गरिरहेको छ । त्रिकोणात्मक सिरिजको पहिलो खेलमा बुधबार ओमानले नेपाललाई १८ रनले पराजित गरेको थियो ।